VIJAY ANTONY MUSIC !

திசெம்பர் 11, 2008

 

4777-scan-3

விஜய் ஆண்டனி மியூசிக் !

இன்று என் பிரியமான இசையமைப்பாளர் விஜய் ஆண்டனி அவர்கள் தனது சொந்த இசை நிறுவனத்தை தொடங்கி இருக்கிறார்கள்….

 

அவரது அதிகபட்ச படங்களில் பாடல்கள் எழுதிக் கொண்டிருக்கும் அவரது பிரியமான கவிஞன் என்ற முறையில் எனக்கு மிக மிக மகிழ்சி இது…

 

அதுவும் அவரது இசை நிறுவனம் முதல்முறையாய் வெளியிடும் தநா அல 4777     படத்திலும் எனது பாடல்கள் இருப்பதற்கான பெருமையில் இருக்கிறேன்…

 

” விஜய் ஆண்டனி சார் –  நமது நிறுவனம் உங்கள் மனம் போலவே அனைவரையும் கவரும் என்ற நம்பிக்கை எனக்கிருக்கிறது… ” 

 

இன்னும் மேலும் மேலும் உயர்வதற்கான வாழ்த்துக்களோடும்…

ஆண்டவனிடம் அதற்கான வேண்டுதல்களோடும்…

தங்களுடன் இணைந்திருப்பதற்கான மகிழ்ச்சியோடும்…

தங்கள் வளர்ச்சியை கூட இருந்து பார்ப்பதற்கான நன்றிகளோடும்…

பிரியமுடன்…
பிரியன்…

Advertisements

முத்தங்கள்…

திசெம்பர் 11, 2008

 

கடன் போலல்ல முத்தங்கள்
பெறுவதை போல கொடுப்பதும் சுகமே…

 

வருமானம் போலல்ல முத்தங்கள்
வரவுகள் போல செலவுகளும் சுகமே…

 

பந்தயங்கள் போலல்ல முத்தங்கள்
ஜெயிப்பதை போல தோற்ப்பதும் சுகமே…

 

என் உதடுகள் இரண்டும்
உனக்கென குவிந்தே
முத்தங்களாய் மாறும்…

 

உன் உதடுகள் இரண்டும்
அந்த சில நொடிகளில்
வெட்கத்தால் நாணும்…

 

என் ரகசிய முத்தங்களுக்கு சொந்தக்காரியே…

மௌனமாய் வரிசையில்
காத்துக்கொண்டிருக்கின்றன
உனக்கு மட்டுமேயான
என் இனிப்பு முத்தங்கள்…

 

வார்த்தைகள் தாண்டி
உணர்த்தும் அவை
பாசத்தின் மொத்தங்கள்…